لازانيا طعمها روعه


جبتلكو بقي طريقه اللازانيا الرهيبه 😍

تكاتها :
بشاميل كتير وخفيف عن العادي
العصاج بتاعها بيكون جوسي مش ناشف
واخيرا هاتي نوع لازنيا سعره حنين الملكة جميل😉

الطريقه
 بحط اللازانيا نايه مش مسلوقه
 لازانيا الملكه مش بتتسلق وبستوي منها فيها اهم حاجه بشاميل خفيف واللحمه يكون فيها صوص
  هنعصج اللحمه الاول نجيب بصلايه مبشورة وننزل بيها في شويه زيت اول ماتدبل ننزل باللحمه المفرومه ونقلب ومنسيبهاش تنشف وننزل عليه بكوب عصير طماطم ومعلقه صلصه ونسيبها تاخد وتدي مع اللحمه عشر دقايق و ننزل بقي بملح وفلفل خمس دقايق ونطفي عليها

هنعمل البشاميل الخفيف
هنجيب الحله وننزل ب٤ معالق سمنه كبار يسخنو ننزل ب ٤معالق دقيق ذيهم ونقلب دقيقه ننزل عليهم بخمس اكواب لبن ساقع ونقلب ونحط مثلثين جبنه ومكعب مرق ونظبط الملح ورشه فلفل صغيره واول ما يتقل طفي عليه

تجيبي صينيتك وياريت تكون مستطيله ونرص اول طبقه فيها هتكون مغرفه بشاميل وترصي عليها طبقه لازانيا ترصيهم جنب بعض وبعدين لحمه وبعدين مغرفه بشاميل وبعدين طبقة لازانيا ولحمه وبعدين بشاميل وهكذا لحد اخر طبقه هتحطيها وفوقيها باقي البشاميل كله وترشي علي الوش موتزاريلا وشيدر وسيبيها ربع ساعه قبل ماتدخل الفرن في الوقت دا اللازانيا هتشرب من البشاميل كويس وهتكون طريه ومبتاخدش تسويه كتير

وتدخليها فرن سخن علي درجه حرارة ١٨٠
هتاخد في الفرن نص ساعه منهم خمس دقايق تحت الشوايه عشان تاخد لون حلو بالف هنا

تعليقات

إرسال تعليق